Линданот не е темпирана бомба во срцето на Скопје туку таа бомба одамна е активирана, предупредува Александар Мицковски од Канцеларијата за неразградливи органски загадувачи. Според него, расчистувањето на опасниот отпад е запрено поради недостиг на финансиски средства. Потребни се околу осум милиони евра за целосно отстранување на депониите. Тој се надева дека дел од овие пари ќе бидат обезбедени преку британски кредит.
„Околу триесет тони на ден можат да се спремат за транспорт. Овде има педесет илјади тони и кога ќе се поделат на триесет. Тогаш за година ипол до две ќе се исчисти депонијата“, изјави Александар Мицковски, Канцеларија за неразградливи органски загадувачи.
Лекарите предупредуваат дека линданот го напаѓа централниот нервен систем, а најголем ризик има кај децата и бремените жени.
„Линданот е особено опасен ако детето уште како фетус биде изложено на високо ниво на линдан, вели Мирјана Димовска, Институт за јавно здравје.“
Линданот е еден од најопасните пестициди, кој денес е забранет во многу земји поради своето канцерогено дејство, биоакумулација и долготрајност во животната средина. Во ОХИС со години бил складиран и користен без адекватна контрола, со што денес претставува сериозна закана по здравјето на граѓаните предупредуваат лекарите.
Според експертите, доколку не се преземат итни мерки, штетата од оваа еколошка криза ќе продолжи да се зголемува.
Тамара Марковска