НБРМ: Историски исчекор – Македонија е поблиску до ЕУ, стана членка на СЕПА

Европскиот совет за плаќања ја прифати земјава како 39 членка на Единствената област за плаќања во евра СЕПА.

Со ова Македонија успешно ја усогласи правната рамка во доменот на плаќањата и платните системи со регулаторните барања на Европската Унија, исполнувајќи една од најважните цели на патот кон членство во ЕУ.

Според гувернерот на Народна Банка Анита Ангеловска – Бежоска членството во СЕПА ќе донесе побрзи, побезбедни и поевтини прекугранични плаќања во евра што е важно за натамошно поттикнување на конкуренцијата, иновациите, но и за задржување на финансиската стабилност, како предуслов и за макроекономската стабилност.