Трагите од крв и искршената ограда останаа да сведочат за трагичниот настан кој се случи вчера во скопска Кисела Вода, откако 69 годишна жена и девет годишен малолетник паднале од зграда, по што жената починала на лице место, а малолетникот е тешко повреден.
Детето е на интезивно лекување на Клиниката за детска хиругија. Моменатлно е во стабилна состојба, но при падот претрпило тешки повреди, вели доктор Лазо Јовчевски директор на Клиника за детска хирургија.
На местото на трагедијата биле присутни голем број возила на брзата помош, противпожарни и полициски возила. Пријава стигнала и до МВР по што се преземаат мерки за расчистување на случајот.
Според очевидци на настанот, телото на жената завршило на оградата. Не е познато под кои околности 69 годишната жена паднала од балконот и дали детето било со неа во тој момент или паднало претходно.
Симона Петровска