Во 1993 година, директорот за рекламирање алкохоличар Џо Досет се опива откако изгубил голема сметка. Пред да се онесвести, здогледа жена со жолт чадор. Кога ќе се разбуди, ќе сфати дека е сам и заклучен во хотелска соба. Мистериозните киднапери му обезбедуваат храна, алкохол и средства за хигиена, но не објаснуваат зошто е заробен.
Џо гледа телевизиски извештај во кој се вели дека неговата поранешна сопруга Дона била силувана и убиена и тој е главниот осомничен, додека нивната ќерка Миа била посвоена.
Во текот на следните 20 години, Џо престанува да пие и работи да се врати во физичка форма, со намера да избега и да се одмазди. Тој составува список на сите оние кои би сакале да го затворат и пишува писма за на крајот да и ги даде на Миа. Еден ден, тој гледа интервју со Миа, која вели дека би му простила на нејзиниот татко ако некогаш го види.
Од необјасниви причини ќе биде ослободeн и ќе тргне во потрага за да открие кој ја оркестрирал неговата казна. Од киднаперот ќе добие задача да даде одговор на две прашања: кој го затворил и зошто го пуштил.
Во режија на Спајк Ли и сценарио на Марк Протошевич, римејк на истоимениот јужнокорејски филм „OldBoy“ од 2003 година. Улоги: Џош Бролин, Елизабет Олсен и Шарлто Копли.