Во вториот круг одат Гордана Силјановска, кандидатот на ВМРО-ДПМНЕ и актуелниот претседател, кандидатот на СДСМ, Стево Пендаровски.
Преброени 78,75% од гласачките места во ДИК: Води Силјановска, Пендаровски заостанува повеќе од двојно. Гордана Силјановска 284.775 | 39,88% Стево Пендаровски 139.167 | 19,49% Бујар Османи 101.839 | 14,26% Арбен Таравари 71.900 | 10,07% Максим Димитриевски 60.425 | 8,46% Билјана Ванковска Цветковска 30.977 | 4,34% Стевчо Јакимовски 5.329 | 0,75%. Овие резултати се по обработени над 78,75% од избирачки места.
Претседателски кандидат на ВМРО-ДПМНЕ Гордана Силјановска, по победата во првиот круг: Ве уверувам, она што ќе го ветам, ќе го остварам на мој начин. Треба да ги инспирираме граѓаните дека вреди да се учествува на изборите.
Претседателски кандидат на СДСМ, Стево Пендаровски: Во вториот круг, тргнуваме од нула, од почеток за да го промовираме концептот во кој лично верувам- да нема поделби во општеството. Нема да преговарам со никој за прелевање на гласовите.
Претседателски кандидат на ДУИ, Бујар Османи: Голема победа на Европскиот Фронт над албанската опозиција со над 40 илјади гласови во речиси сите општини.
Претседателски кандидат на „Вреди“ Арбен Таравари: Победивме во сите албански средини каде беше дозволено фер гласање, ДУИ ги предаде албанските интереси.
Претседателски кандидат на ЗНАМ Максим Димитриевски: Станавме трета политичка сила во државата, во македонскиот блок. Без нас нема да има влада.
Претседателски кандидат од ГРОМ Јакимовски го призна поразот и и честиташе на Силјановска за победата.
Симпатизерите на ВМРО-ДПМНЕ ја прославија победата на Силјановска пред партискиот штаб.
Полиција превентивно распоредена пред штабот на „Вреди“- симпатизери на ДУИ слават кај Скендербег.