Согласно Роковникот на ДИК, продолжува собирањето потписи за кандидирање за претседател. Од вчера, потписи собираат 11 потенцијални кандидати: Вело Марковски, Билјана Ванковска, Стевчо Јакимовски, Томе Николоски, Бујар Османи, Господин Поповски, Максим Димитриевски, Ѓорѓи Манасков, Арбен Таравари, Мерсиха Смаиловиќ и Зорица Цветковска. До 8-ми март, тие треба да соберат 10 илјади потписи од граѓаните со право на глас. Според претседателот на ДИК; Александар Даштевски, до Комисијата не се пристигнати забелешки за несоодветни услови во 34-те подрачни одделенија. Двете најголеми партии, ВМРО ДПМНЕ и СДСМ немаат потреба да собираат потписи за своите кандидати бидејќи предлогот може да го поднесат и 30 пратеници. Но, доколку сакаат, може и да собираат потписи. Тоа би почнало откако наредниот викенд двете партии ќе одржат конгреси и ќе ги утврдат за кандидати Гордана Силјановска-Давкова и Стево Пендаровски.
