Јаник Синер ја запре победничката низа на Новак Ѓоковиќ и обезбеди финале на Австралија опен. Ривал на Италијанецот во мечот за титулата ќе биде Данил Медведев, кој направи епски пресврт против Александер Зверев.
Ѓоковиќ беше во низа од 33 победи по ред на Австралија опен, но денеска бранителот на трофејот го одигра еден од најслабите мечеви на грен слем турнир во својата кариера. Јаник Синер заслужено славеше во четири сета со 6-1, 6-2, 6-7 и 6-3. Мечот можеше да заврши и во три сета, но Србинот успеа да спаси меч топка. Направи дури 54 неизнудени грешки и за прв пат во кариерата не направи бреј на еден меч на грен слем турнир. За 22-годишниот Италијанец ова ќе биде прво грен слем финале во кариерата, а таму ќе се соочи со Данил Медведев.
Русинот во второто полуфинале денеска во епски меч во пет сета го победи Александер Зверев. Германецот ги освои првите два сета со 5-7 и 3-6, но следните два му припаднаа на Медведев во тај-брејкот. Во решавачкиот петти сет, Русинот славеше со 6-3 за да се пласира во своето шесто грен слем финале во кариерата, а трето во Мелбурн.
Интересно, во неделното финале на Австралија опен за прв пат уште од 2005 година ќе нема еден од легендарната тројка, Роџер Федерер, Рафаел Надал и Новак Ѓоковиќ. Таа година се соочија Марат Сафин против Лејтон Хјуит, а победи Сафин во четири сета.