Каратистот на Макпетрол, Петар Заборски се закити со бронзениот медал на силниот Карате 1 (Серија А) турнир во Атина.
Македонскиот натпреварувач денеска во малото финале го победи домашниот фаворит Евангелос Сереметакис и тоа со 1-0. Заборски во петокот на стартот на турнирот во Атина оствари четири победи, но загуби во полуфиналето од Мохамед Абудабус и со судиско изјаснување откако борбата заврши со резултат 3-3.
За Заборски ова втор бронзен медал од турнирите од Светската Карате лига за краток период. Лани во октомври исто така беше на подиумот и во Ларнака, Кипар.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.