За околу 300 илјади евра, фирмата „Бест Веј инвестментс“ на Јордан Мијалков купила три стана и една гаража на Водно од имотот кој претходно беше конфискуван од неговиот татко Сашо Мијалков во рамки на спогодбата со обвинителството за случајот Империја.
Директорот на Агенцијата за управување со одземен имот Дритон Небиу за Телма ја потврди оваа скандалозна информација.
Веб медиумот ПРИЗМА објави дека имотот бил продаден во ноември на лицитација на Агенцијата за управување со одземен имот. Според призма.мк, станува збор за два станови со квадратура од 73 и 78 квадрати и за гаража од триесетина квадратни метри.
Кога се подготвуваше лицитацијата, директорот Небиу се жалеше дека заинтересираните купувачи и вработените во агенцијата биле заплашувани и добивале закани од луѓе блиски на сопственикот Мијалков кој поради кривичните дела се согласи на конфискација.
Според пресметките, Агенцијата овие луксузни станови на Водно ги продала за цена од по 1384 евра по квадрат.