Македонската ракометна репрезентација загуби со 39-29 од Франција на првиот натпревар од групата А на Европското првенство во Германија.
Селекторот Кирил Лазаров очекувано не беше задоволен од конечниот исход, бидејќи Македонија имаше добро прво полувреме и можеби не заслужи толку убедлив пораз.
„Франција заслужи да победи, тие се најдобриот тим во светот“, рече нашиот предводник. „Ние се боревме. Не сме задоволни од нашето издание, не беше доволно добро. Не сум задоволен, бидејќи загубивме, но мислам дека требаше да загубиме со шест или седум голови разлика“, додаде Лазаров.
На 14.јануари ќе се соочиме со Германија во Берлин во рамки на 2.коло на турнирот.
„Имаме неколку денови да се подготвиме за Германија. Дефинитивно немавме среќа во ждрепката за оваа група со Франција и Германија, но таква беше нашата среќа“, заврши македонскиот селектор.