Борбата на еколошките активисти е тешка, од една страна се поединци во судир со системот кој го управува и капиталот, од друга страна нивната борба често влијае и врз нивната лична судбина. КОД во ова продолжение разговараше со двајца екологисти кои во борбата за општото добро даваат и лична жртва.
Еколозите рамо до рамо заедно со обвинители, инспектори и професори дебатираа како заеднички да се борат против еколошката корупција. Појавата е се позастапена во Македонија, регистрирани се и случаи кога инспектори или државни службеници наместо да ја бранат животната средина се здружиле со еколошките криминалци. Такви случаи има при пустоошење на шуми, загадување на природата, но и на амбиенталниот воздух, а има сомнежи и за корупција при издавање на минерални концесии.
И додека покрај Охридското Езеро се развиваше дебатата, се дозна и нова информација за злоупотреба на езерскиот брег во струшко. Иако статусот на Езерото во УНЕСКО е во опасност, незаконските и нееколошките активности продолжуваат покрај најголемото македонско езеро
Сместена во срцето на Пелагониската рамница и опкружена со планините Пелистер и Кајмакчалан, Битола во зимскиот период поради температурната инверзија со денови може да биде окована во магла. Токму поради овој природен феномен, заедно со изворите на загадување, градот со години е на врвот на црните листи на најзагадени во државата, но и пошироко. Тоа е причина за зголемени респираторни заболувања, но и зголемена смртност, што покажуваат и научните студии. Кои се најголемите виновниците за аерозагадување од прилогот.
Делхи во Индија, Карачи во Пакистан а тука некаде во првите десет речиси нсекоја зима е и Скопје по загадување на воздухот. На почетокот на месецот друштво на оваа топ листа им правеше и Струмица . Снимките што на почетокот на почетокот на месецов со дрон ги направија ,моите колеги од овој град беа како во хорор филм.
Од воздух за дишење до трговија со отпад и концесии за руди и минерални суровини- сето тоа преку коруптивни зделки може да биде ризик кој го отежнува животот на граѓаните. Проблемот со таканаречената еколошка корупција е голем и во Македонија, како и во светски рамки, а решенијата треба да ги понуди државата за да спречи богатење врз здравје на граѓаните, објаснува во интервју за КОД, професорката Марина Малиш Саздовска.
Емисијата КОД „Загаден воздух и еколошка корупција“ е емитувана на 17.12.2023. на ТВ Телма.