Вечерва официјално стартуваше Светското клупско фудбалско првенство на ФИФА во Џеда, Саудиска Арабија. Домаќинот на турнирот Ал Итихад го совлада австралискиот состав Окленд со убедливи…
Ѕвездениот тим на Ал Итихад немаше мака со шампионот на Океанија, Окленд и сите дилеми беа решени уште по првото полувреме кога саудискиот тим водеше со 3-0. Ромарињо го најави триумфот на домаќинот во 29.минута. Само пет минути подоцна стрелаше Енголо Канте и тоа со силен удар од далечина. Конечните 3-0 ги постави Карим Бензема во 40.минута.
Во следната елиминациска рунда, Ал Итихад ќе игра против африканскиот шампион Ал Ахли од Египет на 15 декември. Победникот од оваа пресметка ќе се соочи со јужноамериканскиот првак Флуминенсе од Бразил на 18 декември. Азискиот првак Урава ред дајмондс од Јапонија и Леон од Мексико, кој е шампион на Северна и Средна Америка ќе се соочат во второто четвртфинале. Подобриот од овој дуел пак на 19 декември има дуел со европскиот првак Манчестер сити во рамки на полуфиналето. Финалето е закажано за 22 декември.