Пред околу еден месец, осомничениот за двојно убиство Љупчо Палевски, во својство на граѓанско лице, доставил до Собранието предлог за референдум. Точката е ставена на дневен ред на седницата закажана за 22 декември. Палевски предлага задолжителен референдум на државно ниво за целата територија со референдумско прашање: „Дали сте за Договорот меѓу Република Македонија и Република Бугарија склучен на 1 август 2017“. За да се распише референдум, претходно е потребно да се соберат 150 илјади потписи. Матичната Комисија за политички систем со 10 гласа „за“ веќе даде Мислење дека иницијативата не е уредна бидејќи насловот е непрецизен. Комисијата потсетува дека во јануари 2018-та Собранието донесе Закон за ратификација на Договорот.
Палевски ја поднел иницијативата само една недела пред убиството на 74-годишниот Панче Жежовски од Велес и 12 дена пред грабнувањето и убиството на 14-годишната Вања Ѓорчевска.