Анти-допинг агенцијата на Италија бара суспензија од 4 години за Пол Погба, кој изминатото лето беше позитивен на недозволени супстанци. Фудбалерот има две опции, да се спогоди за намалување на казната или да се жали до Судот за спортска арбитража.
Обвинителот, што го води случајот на Погба побарал строга казна од четири години суспензија. Французинот има опција да се спогоди со Анти-допинг агенцијата на Италија и да прифати намалена казна од 2 години, за што ќе треба да добие и согласност од Светската анти-допинг агенција, ВАДА. Втората опција на Погба е да се жали до Судот за спортска арбитража, но тогаш ќе ризикува суспензијата да му биде потврдена.
Поранешниот играч на Манчестер јунајтед има кошмарен кам-бек во Торино, бидејќи лани речиси цела година беше повреден, а сега испадна позитивен на допинг на тест направен по мечот помеѓу Јувентус и Удинезе на 20 август во рамки на 1.коло во Серија А. И неговиот втор примерок исто така беше позитивен, па затоа властите во Италија бараат четиргодишна суспензија.