Од изутринава во сила е прекинот на огнот што го договорија Израел и Хамас, прв прекин по седумнеделна разорна војна. Се очекува попладнево да бидат ослободени првите заложници.
Договорот за неколкудневна пауза почна во 7:00 часот по локално време и се очекува да трае најмалку четири дена. Можно е негово продолжување до десет дена, соопшти Катар, кој посредува во преговорите.
Катар, Египет и САД ќе следат дали се почитува договореното. Во 16 часот по локално време меѓу Израел и Хамас, треба да бидат ослободени првите 13 заложници држени во Појасот Газа. Станува збор за жени и деца.
За возврат, за секој ослободен заложник од израелските затвори ќе бидат ослободувани по тројца палестински затвореници. Во текот на четирите дена примирје, Хамас сака да ослободи вкупно 50 млади жени и деца.
Пред прекинот на огнот, израелската армија повторно ги засили нападите врз цели на Хамас, особено на северот на Појасот Газа, а продолжија и нападите врз Израел.
Портпарол на израелската армија периодот на прекин на огнот го нарече „комплицирани денови“…