Грчките медиуми јавуваат за тројца загинати во невремето Даниел кое погоди неколку области во државата. Двајца млади од Австрија се прогласени за исчезнати откако местото каде биле сместени во регионот Пелион настрадало во невремето.
Волос, Пелион, Скијатос, северна Евија, Кардик, Фтиотида и Атина се погодени од силни бури. На социјалните мрежи се појави видео снимка на која гледа водено торнадо на островот Евија.
Incredible waterspout forms along the coast of Evia, Greece during Storm #Daniel pic.twitter.com/a2LpnlyDwc
— Zoom Earth (@zoom_earth) September 5, 2023
Во Волос има грмотевици и обилни врежи на дожд. Делови од градот беа без струја повеќе од 30 часа, што предизвика и прекин на дотокот на вода, па градоначалникот ги повика жителите кои можат да стигнат до општинската зграда да дојдат по флаширана вода. Приморскиот дел од градот е во урнатини.
Во меѓувреме, северен и јужен Пелион се одсечени од градот Волос, додека пристапот до селата е отежнат поради лизгање на земјиштето и паднатите дрвја.
Во Ламија главните патишта се претворија во реки, кои со себе влечкаа камења и отпадоци, што го оневозможи движењето на авотмобилите. Штетите на земјоделските површини се непроценливи, пишува Кaтимерини.
Според Национална метеоролошка служба силниот дожд ќе продолжи и денеска во Тесалија, Евија и делови на централна и источна Грција.
The sun sets on Skiathos, Greece.
It has rained non stop all day.
Streets are flooded.
Heartbreaking. pic.twitter.com/qAxb8QLHtM— Nahel Belgherze (@WxNB_) September 5, 2023