Еден од најбогатите Пакистанци и неговиот син се меѓу пете луѓе кои исчезнаа во подморницата „Титан“, која тргна во авантура да ги види трупот на „Титаник“, пред да ја загуби комуникацијата на 12.500 стапки под вода. Нивните семејства очајно исчекуваат било какви вести за нив и се надеваат дека ќе бидат пронајдени пред да им снема кислород. Се претпоставува дека исчезнатата туристичка подморница последен пат била контактирана додека се наоѓала веднаш над нејзиното конечно одредиште.
Покрај Шахзад и Сулејман Давуд, кои се членови на едно на најпознатите семејства во Пакистан, во подморницата се наоѓа и милијардерот Хамиш Хардинг, светкиот познатиот истражувач, Пол Анри Нарголе. Како петти член на екипажот се верува дека е Стоктон Раш, извршен директор на „ОушнГејт“, во чија сопственост е подморницата.
„Титан“ ги носеше туристите до легендарниот брод кој се наоѓа на 3.800 метри под површната на Атлантикот. Место за одумдневната подводна авантура со подморницата чинеше околу 250.000 евра по човек. „Титан“ на пат тргна во неделата наутро, околу четири часот, но загуби контакт со матичниот брод „Полар Принс“ по еден час и 45 минути, откако два часа се спушташе во Атлантскиот Океан.
Спасувачките екипи од САД и од Канада се во очајничка трка со времето. Се верува дека „Титан“ има кислород да издржи под вода до четврток напладне по британско време.
Сашко Димовски