Три лица загинаа, а четворица други се повредени во сообраќајна несреќа која што се случила попладнево на автопатот Штип-Миладиновци недалеку од местото викано Криви Дол.
Во судир меѓу две возила на лице место загинаа 15 годишно девојче, 37 и 62-годишна жена. Двајца од повредените се однесени во Клиничката болница во Штип и се надвор од животна опасност.
Најтешкоповредениот со скршени ребра е пренесен на скопскиот Клинички центар и е надвор од животна опасност изјави за Телма директорот на торакална хирургија, Јакупи Неџати.
Меѓу повредените е и 12 годишно момче.
Се уште е непознато што била причибната за несреќата. Увидот на полицијата заврши и треба да покаже што се случило кобното попладне на автопатската делница.
Според информациите сите од жртвите се превезувале во исто возило и се роднински поврзани. Биле во автомобил марка „Шевролет калос“ со скопски регистарски таблички, во кое се превезувале уште двајца патници за кои се уште нема информации во каква здравствена состојба се.
Автомобилот се судрил со „Лендкрузер“ со кочански регистарски таблички со кој управувало лице на возраст од 29 години. И тој и неговиот 34 годишен сопатник се повредени.
Калосот го управувал 45 годишен маж.
Симона Петровска