Сестрата на убиената 23-годишна мигрантка од Сиера Леоне, Фатмата, фрла поинаква светлина врз настаните кои се случувале на 19 април во близина на Гевгелија, каде загина откако полициски службеник испукал куршум од службениот пиштол.
Полициската верзија на настаните е спротивна на она кое го тврди семејството, водејќи се од сведоштва на останатите присутни мигранти, меѓу кои бил и Абу Бакар, сопругот на девојката.
Сестрата на Фатмата, во видео обраќање до македонската јавност кое го испрати до редакцијата на „Слободен печат“, повикува граѓаните да им се приклучат во барањето на правдата и прашува зошто полицаец пукал во невооружена девојка, тврдејќи дека немало никаков физички напад врз полицаецот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.