-Дискурсот кој нашироко се користи од Бугарија кон Северна Македонија за жал е многу сличен на дискурсот кој Руската федерација го користи кон Украина. Неприфатливо е лажни и неосновани обвинувања да се злоупотребуваат за политички цели во овој клучен период за иднината на Европа. Северна Македонија е меѓународно призната како успешно функционално модерно мултиетничко општество и демократија.Сите меѓународни извештаи за човекови права го потврдуваат тој факт, рече претседателот на владата Димитар Ковачевски на сесијата на Советот на Европа кој се одржува во Рејкјавик, Исланд.
Ковачевски реагираше по обраќањето на бугарската потпретседателка Јотова на истиот самит во Рејкјавик, каде таа ја обвини Македонија за систематско прекршување на правата на Бугарите.
-Обвинувањата наведени на овој Самит од страна на претставникот на Бугарија се целосно неосновани и доаѓаат од земја која што не ги почитува пресудите на ЕСЧП и стандардите на Советот во областа на човековите права, одговори од истата сала, премиерот Ковачевски.