Остри критики за однесувањето на Бугарија кажа премиерот Димитар Ковачевски во Рејкавик, каде се одржува Самит на Советот на Европа. Во говорот на дебатата Обединети за Европа, тој и одговори на бугарската потпретседателка Илијана Јотова, велејќи дека нејзините обвинувања дека Македонија не ги почитува правата на Бугарите се неосновани.
Дискурсот кој нашироко се користи од Бугарија кон Северна Македонија за жал е многу сличен на дискурсот кој Руската федерација го користи кон Украина. Неприфатливо е лажни и неосновани обвинувања да се злоупотребуваат за политички цели во овој клучен период за иднината на Европа. Северна Македонија е меѓународно призната како успешно функционално модерно мултиетничко општество и демократија. Сите меѓународни извештаи за човекови права го потврдуваат тој факт. Обвинувањата наведени на овој Самит од страна на претставникот на Бугарија се целосно неосновани и доаѓаат од земја која што не ги почитува пресудите на ЕСЧП и стандардите на Советот во областа на човековите права, рече ковачевски.
На тема македонско-бугарски односи, многу посмирени тонови во Скопје, на форум што го организираше Белградскиот центар за безбедносна политика. Претседателот Стево Пендаровски рече дека имаше барања кои го напаѓаа македонскиот идентитет и отворено ги кажа трите барања на Бугарија пред да се усвои францускиот предлог кои немаа, како што кажа, ништо со реалните европски критериуми за членство.
Бугарија пред две и пол години почна да испорачува барања кои немаат ништо, да повторам, ништо со реални европски критериуми за членство, рече пендаровски.
8,09 На крај од сето тоа ние ја прифативме преговарачката рамка што ја даде тогашното француско претседателство која не содржи ништо од овие точки кои беа понижувачки за сите нас етничките Македонци, и го имавме тоа барање, кое го прифативме да се впишат Бугарите, мало малцинство кое живее во С. Македонија, во Уставот. 8,33
Ова го слушна и Весела Чернева од Европскиот совт за меѓународни односи која долги години соработува со колеги од Македонија.
Европската иднина на Македонија бара уставни промени. Ова е нешто за што сите треба да помогнеме да се случи. Бугарскиот парламент гласаше речиси единствено за ова. Верувам дека тоа става точка на целата дебата околу (идни) барања, рече таа.
Чернева верува дека во време на заладени однсои меѓу двете земји, со разговори и дебати, можно е да се создаде атмосфера на добри меѓусоседски односи.
Марија Дивитарова