На училиштен Совет во ОУ „Гоце Делчев“ од Босилово ќе се одлучува какви постапки или дисциплински мерки ќе бидат преземени за ученичките кои се загубија на екскурзија во Скопје. Директорот Стево Божинов за „Фокус“ потврдува дека ученичките по кои се трагаше во иднина ќе бидат суспендирани од сите планирани училишни екскурзии.
Повеќе од осум часа траеше агонијата на родителите чии девојчиња вчера се изгубија во Скопје, за време на екскурзија организирана од нивното основно училиште ,,Гоце Делчев” од Босилово. Девојчињата на возраст од 12 и 14 години биле пријавени во полиција за изгубени околу 16 часот, од страна на нивната наставничка. Им се изгубил траг во Веро Џамбо.
По масовната потрага на МВР, но и на голем број граѓани, кои самоиницијативно се организираа преку социјалните мрежи, ученичките беа пронајдени десеттина минути пред полноќ, од страна на полицијата, во близина на Стара рампа, недалеку од местото каде последен пат биле забележани.
Како што ни потврдија од МВР, во добра состојба, но поради нивната возраст не можат да откриваат повеќе детали за јавност.
Во гимназијата во Македонски Брод годинава ќе матурираат сите 11 ученици