По одигрувањето на сите натпревари во основниот дел од сезоната, познати се двојките за разигрувањето на шампионскиот трофеј во НБА.
Двете првопласирани екипи на Истокот и Западот го чекаат епилогот од плеј инот во кој влегоа четири состави.
Денвер и Мемфис на Западот и Милвоки и Бостон на Истокот ги чекаат противниците кои во следниве денови ќе се борат за последните две места во секоја конференција.
За место во разигрување во Западната конференција се среќаваат ЛА Лејкерс – Минесота и Њу Орлеанс – Оклахома додека на Истокот ќе се соочат Мајами – Атланта и Торонто – Чикаго.
Останатите двојки од првото коло во разигрувањето се веќе познати.
На Западот во првата рунда играат Феникс – ЛА Клиперс и Сакраменто – Голден Стејт додека на Истокот двојките се Кливленд – Њујорк и Филаделфија – Бруклин.
ФОТО: Игор Паневски