Замрзнувањето на цените е погрешен чекор на Владата и никој не може да гарантира колку ќе се зголемат откако ќе мерките ќе истечат а австриското искуство покажува дека субвенции за граѓаните и дотации за компаниите е успешен модел за пребродување на економската криза и инфлацијата. Претставници на македонската и австриската стопанска комора денеска одржаа средба во рамките на посетата на сојузниот претседател на Република Австрија, Александер Ван дер Беле.
Субвенции на социјално згарозените семејства, намалување на царина и субвенции за електрича енергија за копаниите се мерките кои Владата треба да ги примени наместо замрзнатите цени, сметаат од Стопанската Комора.
Цените на недвижности и цените на наемнините кои се плаќаат се клучната тема за која се разговара во Австрија а државна финансиска помош имало само за сметките за потроѓшени струја и гас.
Македонија и Австрија имаат одлични економски врски, македонската економија има потенцијал и не случајно австриски компании имаат инвестиции од околу една милијарда евра во државата а некои од нив како ЕВН, Шпаркасе и А1 се водечки на пазарот, истакнаа австриските претставници.
Покрај инвестициите од година во година расте и трговската размена меѓу Македонија и Австрија која минатата година изнесуваше 300 милиони вера.
Шеесетина македонски компании денеска ги преставија своите понуди, можности и капацитети пред повеќе од дваесет преставници на компании и конзорциуми од Австрија кои се во посета на Македонија што е досега најголема австриска стопанска делегација која бил во посета на државата.
Огнен Чанчаревиќ