Франческо Бањаја со победа ја почна одбраната на титулата во Мото ГП шампионатот откако денеска беше најбрз на трката за Големата награда на Португалија.
Мотоциклистот на Дукати го комплетираше перфектниот викенд, бидејќи вчера триумфираше на спринт трката, а денеска и на официјалната трка. Зад Италијанецот финишираше Маверик Вињалес од Априлија, а подиумот го комплетираше Марко Бецеки.
Меѓу најдобрите 10 финишираа и Јоан Зарко, Алекс Маркез, Бред Бајндер, Џек Милер, Фабио Квартараро, Алеиш Еспаргаро и Алекс Ринс.
Освојувачот на пол-позицијата, Марк Маркез се судри во Мигел Оливеира во третиот круг и двајцата завршија надвор од трката.
Во генералниот поредок очекувано Бањаја има максимални 37 бодови, пред Вињалес со 25, додека Бецеки има 16 бодови.
Втората сезонска трка се вози за Големата награда на Аргентина на 2.април.