Иако неодамна беше објавена веста дека мечот на деценијата меѓу Олександер Усик и Тајсон Фјури ќе се одржи на 29 април во Лондон, според последните информации дуелот за обединување на титулите во тешка категорија сепак е откажан.
Веста ја потврди промотерот на Усик, Александер Красик, а причина за пропаѓањето на договорот е одбивањето на Фјури од заработката да издвои милион фунти што ќе бидат донирани како помош за Украина.
Овој услов беше поставен од страна на украинскиот боксер и по долгите преговори нема согласност од таборот на Британецот и поради мечот нема да се одржи во предвидениот термин.
Усик сепак ги продолжува подготовките за влез во рингот и сега мора да ја реализира обврската кон WBA, кој неодамна соопшти дека Украинецот ќе мора да боксува со Даниел Дубоа доколку до први април не постигне договор за соочување со Фјури.