По одигрувањето на натпреварите од третото и четвртото коло во квалификациите за пласман на Европското првенство во ракомет во машка конкуренција, познати се пет селекции кои веќе може да се подготвуваат за настап на континенталниот шампионат што ќе се одржи следната година во Германија.
По победата над Македонија, Португалија е сигурен учесник на првенството. Со максимален учинок по четири кола, Португалците имаат најдобар старт во историјата на националниот тим, а со оглед на фактот дека во продолжението на квалификациите противници се Луксембург и Турција може лесно да се случи до крајот да останат со сто процентен ефект.
Идентичен скор има и селекцијата на Австрија, која е лидер во групата 4, а место на Европското првенство обезбеди и репрезентацијата на Португалија која во последната рунда славеше над Швајцарија со 36:27.
По двете победи над Црна Гора место на првенството на две кола пред крајот обезбеди и Словенија, а меѓу веќе квалификуваните е и Франција која по 16-ти пат во низа ќе биде дел од Европските шампионати.
Настап во Германија покрај домаќинот според пласманот на последното првенство обезбедија и селекциите на Данска, Шведска и Шпанија.
Македонија ново учество на шампионатот може да обезбеди со победи над Луксембург на гости и Турција на домашен терен, а мечевите ќе се играат во периодот од 26 до 30 април.
ФОТО: Игор Паневски