Адвокатот Владимир Туфегџиќ, кој беше и втор судија во еден од најзначајните предмети на поранешното СЈО –„Таргет Тврдина“, кој по 9-месечно разгледување беше укинат од Апелација, во вечерашната Топ Тема изјави дека кога била донесена пресудата за овој случај имало политички триумфализам и билдање на политички рејтинг и поени што во основа значи стави дамка и сенка на целиот процес.
„За тој процес треба да се каже дека беше во работа негде година и два, три месеци. Претходно се решаваа прашања кои беа од процедурален карактер. Активно тој предмет беше завршен за година и два, три месеци. Не навлегувам во тоа каква одлука донел Апелациониот суд и првично беше кажано дека пресудата била укината поради суштествена повреда од апсолутен карактер и ако е тоа така, моето прашање е која била причината ако била констатирана таква повреда, зошто тој предмет 9 месеци не биде одлучен. Ако е повреда од апсолутен карактер, тоа значи дека таа пресуда треба да се врати на повторно разгледување. На ова прашање одговор треба да даде судијата – известител, кој како што гледам и слушам веќе е формирана комисија. Но, имаме јавно објавена пресуда од која гледаме дека судиите во Апелациониот Суд се впуштиле во анализа на целата пресуда. И конечно, дале упатство по кое треба да постапи судот, значи задира и интервенира во делот во вештачењата. Најбитен дел, во она што е дадено како упатство, е што задира директно во темелот на обвинението, за кое сметам дека јавниот обвинител во повторената постапка ќе има огромен предизвик а и судечкиот совет а тоа е во делот каде што повисокиот суд вели дека првостепениот суд во повторената постапка, со сигурност да утврди кои корисници биле таргетирани и прислушкувани во УБК а кои во телефонските оператори.“ – изјави Туфегџиќ.
Битно се менува теоријата на случај кај јавниот обвинител и мислам дека ќе влијае и во делот на оштетното побарување на оштетените, вели Туфегџиќ.
„Ќе треба да се види кои лица биле таргетирани во УБК, таму одговорноста би била кај државата а доколку се утврди дека тоа е таргетирано кај телефонските оператори, тогаш оштетните побарувања би оделе во тој правец“ – изјави Туфегџиќ.