Код во вечерашното издание открива дека двајца гранични полицајци на преминот Блаце го задржале но го пуштиле да избега Сокол Бибај, албански државјанин со потерница поради поседување на лажен македонски пасош со украден идентитет. Бибај имал пасош со име Андон Папи којшто е откриен во рамките на истрагата Двојник за 215 лажни македонски пасоши, од кои голем дел завршиле кај белосветски криминалци.
На преминот Блаце во време на чудното бегство на Бибај имало и висок полициски функционер, открива КОД за истрагата којашто уште е отворена и бара и други виновници.
Македонските пасоши се спомнуваат и во судницата во Белград каде се суди на озлогласената мафијашка група на Беливук. Многу криминалци и убијци имале македонски пасоши, откриваат сведоците на судењето во Србија.
КОД е вечерва во редовниот термин во 19:15 (недела 25.12.2022.).