Претседавачот на бордот на директори на рускиот нафтен гигант, Лукоил, Равил Маганов, почина откако паднал од прозорец во болница во Москва.
67-годишниот Маганов, бил лекуван во централната клиничка болница во Москва и го загубил животот како последица од своите повреди, пренесуваат медиумит Новинската агенција ТАС, повикувајќи се на полициски извори, јави дека Маганов извршил самоубиство.
Тој бил сместен на болничко лекување по преживеаниот срцев удар, а исто така се лекувал со анти-депресиви. Неговата смрт е само последната во серијата смртни случаи на големи руски бизнисмени, кои загинаа во мистериозни околности.
Набргу по почетокот на руската инвазија на Украина, Лукоил повика на крај на војната. Уште во март, бордот на директори на оваа компанија повика судирите во Украина да завршат што е можно побргу, и изрази сочувство со жртвите на трагедијата.
Равил Маганов ја презеде функцијата претседавач на бордот на Лукоил пред две години, а почна да работи во приватната нафтена компанија уште во 1993-тата година. Во мај, поранешниот високо-рангиран директор во Лукоил, Александер Суботин, наводно загина под невообичаени околности.