Вести Македонија Топ вести

Нема македонски универзитет помеѓу најдобрите илјада во светот, според Шангајската листа

Годишното академско рангирање на универзитети, познато како Шангајска листа, ги зацврсти на врвот најдобрите високообразовни институции во светот. Прескокнати се сите македонски универзитети и за ниту еден од нив немаше место помеѓу најдобрите илјада.

Најдобар универзитет во светот е американскиот Харвард. На второто место следи „Стенфорд“, па „Технолошкиот институт во Масачусетс“, „Кембриџ“ е на четвртото место, а најдобрите пет ги заокружува „Беркли“.

На Шангајската листа, од поранешните југословенски републики – Словенија, Србија и Хрватска можат да се пофалат со далеку подобри резултати од Македонија. Помеѓу првите петсотини има место за универзитетите во Љубљана, Белград и Загреб. Од регионот, универзитетот во Атина е најдобро рангиран и се наоѓа во првите четиристотини.

Критериумите за вборјување на Шангајската листа варираат и научните достигнувања се клучни. Се смета бројот на добитници на Нобелова награда меѓу поранеши студенти, број на истражувачи кои најмногу се споменуваат во нивните дисциплини и број на публикации во специјализирани списанија.

А, покрај Македонија – на долгата листа не можат да се пронајдат ниту соседните Албанија и Бугарија. Дополнително, според друго рангирање, спроведено од страна на Центарот за рангирање на светски универзитети и објавено пред четири месеци, единствениот македонски универзитет кој се наоѓа на таа листата, „Св. Кирил и Методиј“ забележал пад зa 20 места и сега е на 1.964 место од 2.000 универзитети.

Петар Догов

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

На 30 јуни непосредни внатрепартиски избори за претседател на СДСМ

Дејан Дејан

Мицкоски на средба со пратениците од ВМРО-ДПМНЕ и Коалицијата „Твоја Македонија“

Дејан Дејан

Силјановска Давкова: Не гледам дека сум го повредила Преспанскиот договор

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе