Лабуристите ќе ја формираат следната влада во Австралија откако владејачката либерално-националната коалиција не успеа да освои доволно пратенички места. Сепак, првите резултати покажуваат дека им недостасуваат 4 места во парламентoт со 151 место, за да имаат мнозинство, и по се изгледа дека ќе мораат да формираат коалиција со некоја од помалите партии.
Ентони Албанес ќе биде новиот премиер на земјата кој ќе ја води првата лабуристичка влада по речиси една деценија, а актуелниот премиер Скот Морисон ќе биде сменет. Според првичните резултати добри резултати на изборите постигнаа и независните кандидати, во услови на јавно незадоволство од двете големи партии
Зголемените трошоци за живот и климатските промени доминираа на овие избори како две клучни прашања за гласачите.