Шведскиот и финскиот амбасадор официјално ги доставија своите апликации за членство во НАТО до генералниот секретар на Алијансата, Јенс Столтенберг.
Прифаќајќи ги апликациите во седиштето на НАТО, Столтенберг изјави дека потегот е „историски чекор“ во „критичен момент“ за европската безбедност.
Шефот на НАТО истакна дека Алијансата ќе ја процени кандидатурата за членство што е можно побрзо, но безбедносните интереси на сите сојузници „мора да се земат предвид“.
Со тоа е отворен патот за почеток на процесот на приклучување на двете скандинавски земји во воениот сојуз, кој, како што се вели од дипломатски кругови, не би требало да биде подолг од неколку недели. Ратификацијата од страна на 30-те парламенти на земјите членки, пак, според дипломатите, би траела најверојатно една година. Досега Турција отфрла приклучување на Финска и Шведска во Алијансата.
