Во текот на 2022 година сериозно ќе биде нарушена работата на правосудниот систем, предупредува Народниот правобранител Насер Зибери во Топ Тема на Телма, затоа што добиле информација дека на голем број од судиите и јавните обвинители им завршуваат функциите а Академијата за судии и јавни обвинители нема доволно капацитет да го надомести тој број.
И тоа автоматски, заедно со сегашната оптовареност на правосудниот систем, поготово судовите, ќе се доведе во прашање. И тука сигурно една од првите жртви ќе бидаттокму постапките кои се итни и за кои треба брзо да се реагира. Но за жал ситуацијата е таква, мислам дека многу брзо треба да се реагира. Мора Академијата за судии и јавни обвинители мора да има поголем капацитет за создавање на кадар. Аа од информациите и разговорите кои ги имам таму има сериозни проблеми и во однос на спроведување на конкурсите, и програмата за обука. Мора побрзо државата да реагира, судството да се консолидира, да не дојде до наталожување на предмети, да не дојде до судење надвор од законски предвиден рок и полека да се врати довербата на граѓаните, затоа што таа навистина е алармантна, вели Зибери.