Реакциите по објавувањето на резултатите од пописот не стивнуваат. По партиите денеска се огласија и претставниците на помалите етнички заедници кои обвинуваат за нерегуларности, погрешен начин на попишување, па дури и асимилација.
Голем број на забелешки стигнаа од турската заедница, а се огласи и турското МНР. Така од Национално координативно тело за пописот на Турскиот народ се на ставот дека пописот е направен со погрешна методологија и мал број попишувачи – Турци, имало притисоци, а надлежните институции не одговориле на нивните барања. Турското МНР денеска официјално побара да се земат предвид забелешките на Националното тело.
Претставниците на турската заедница во земјава во текот на процесот упатија повеќе апели пописот да се спроведе правично, транспарентно и без никаков сомнеж. Резултатите од пописот покажаа дека тие повици, за жал, биле игнорирани, наведува Билгич во изјавата.
Резултатите од пописот се неприфатливи и за Бошњачкиот демократски сојуз кои тврдат дека граѓаните немале можност за вид во внесените податоци, граѓани биле поипишувани според претпоставки, а апликацијата за попишување често не функционирала што влијаело на бројката на Бошњаци кои живеат во дијаспората. Од партијата побараа да се утврдат неправилности и да се преиспитаат резултатите.
Со реакција се јавија и од Колаицијата за Египќани кои обвинија за административна асимилација.
Според официјалните резултати на пописот вкупно како Турци се изјасниле 83.443 граѓани или 3,98 отсто, 18.163 или 0,87 отсто се попишале како Боњаци а како Египќани на пописот се изјасниле 2.406 лица.
Огнен Чанчаревиќ