Власта задоволна, опозицијата критикува и обвинува за фалсификат. За ВМРО-ДПМНЕ пописот е исполитизиран, со бројни прекршувања и нецелосен. Реагираат дека, резултатите требаше да бидат објaвени откако Државниот завод за статистика ќе ја дефинира припадноста на тие 132 илјади граѓани кои не се попишале, иако ги имаат сите можни документи.
За Левица ова е политичка операција изведена под палката на ДУИ, а одобрена од СДСМ. Реагираат дека, податоците од МВР за бројот на државјанства не се согласуваат со бројките од пописот, и најавија кривични пријави.
За владејачките партии пописот е и повеќе од успешен.
И лидерот на ДУИ е задоволен од резултатите. На фејсбук им честиташе на институциите за завршената работа, пишувајќи дека бил нималку лесен предизвик, кој завршил успешно.
Далиборка Дамјанска Цветановска