Украинскиот претседател Володимир Зеленски се обрати на самитот на НАТО , повикувајќи ја Алијансата да и даде поголема воена помош на Украина во војната против Русија.
- Имате најмалку 20.000 тенкови. Украина побара еден процент од сите ваши тенкови. Дајте ни или продадете ни. Но, сè уште немаме јасен одговор. Најлошото нешто за време на војната е немањето јасни одговори на барањата за помош, рече Зеленски.
Додаде дека Русија утринава гранатирала со фосфорни бомби и убиени се стари луѓе и деца.
- Сигрен сум дека знаете дека Русија нема да запре со Украина, и ќе продолжи кон источните членки на НАТО, предупреди Зеленски.
Зборувајќи од Киев преку видео повик, Зеленскиј рече дека Украина ја покажала силата на својата армија и дека НАТО треба да покаже дека тоа е навистина најмоќната одбранбена унија во светот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.