Дмитро и Тања Швец ги поминале првите 23 дена од војната криејќи се во подрум во Мариупол со нивната седумгодишна ќерка Влада и нивните родители. Семејството успеало да побегне од Мариупол минатиот четврток, но нивните родители останале таму.
Тие побегнаа во Днипро, град во североисточна Украина. Во интервју за Си-Ен-Ен, Тања изјави дека руското бомбардирање практично го избриша Мариупол од картата, а прашање на време е кога и другите градови во Украина ќе се соочат со таква судбина.
“Таму веќе нема град. Градот Мариупол повеќе не постои. Нема станбена зграда што не е оштетена или урната. Само 10% од луѓето останале во градот. Само пензионерите кои немаат пари или автомобил, тие не можат да избегаат како и оние кои не можат да одат“, изјави Тања за Си-Ен-Ен.
„Нема ништо во градот“
“Не се капевме три недели. Одевме во тоалет во торба или кофа”, напишала Тања во својот дневник кој го чувала во прифатилиштето. Таа на Си-Ен-Ен им покажа делови од дневникот.
Семејството ретко го напушташе подрумот – излегуваа само да најдат храна и вода. Тие еднаш излегоа да помогнат во закопувањето на соседите убиени од руската артилерија додека чекаа ред за храна.
„Проблемот е што нема ништо во градот. Нема сигнал за мобилен телефон, нема интернет. Сè е исклучено – гас, вода, струја…“, изјави Дмитро за Си-Ен-Ен.
„Пукаа во луѓето кои чекаа ред за вода“
„Готвевме на отворен оган. Собравме дрва за огрев во парковите бидејќи немаше друга опција за преживување. Ја делевме храната со соседите и роднините“, додаде тој.
Двојката рече дека има впечаток дека Русите намерно таргетирале групи цивили кои чекаат во редици за храна, вода или лекови.
„Само не убиваа. Да се собереме да најдеме вода, ќе пукаа во нас“, рече Тања.
Зеленски: Украина е подготвена на компромис за НАТО во замена за прекин на огнот