Руските сили го бомбардираа театараот во мариупол, каде се криеле 1.200-те цивили, јавува Би Би Си, повикувајќи се на јавување од заменик градоначалникот Серхеј Орлов.
Тој вели дека во најновото гранатирање сигурно има и жртви, но точната бројка засега не може да се потврди. Фотографијата која Орлов ја објави на својот Фејсбук профил подоцна беше потврдено од би би си дека е автентична. Руското министерство за одбрана ги отфрли обвинувањата дека цел на напад била зградата на театарот во која биле сместени стотици цивили.
Мариупол е опколен од руските сили, а околу 300.000 се заробени без вода, струја или гас. Храната и медицинските резерви се при крај, а Русија не дозволи испорака на хуманитарна помош.
Градот е под постојано руско гранатирање од почетокот на војната, а цели населби се претворени во пустош. Минатата недела во напад на болница загинаа петмина.
Орлов, исто така, рече дека Русија нападнала конвој со цивили кои тргнале од Мариупол на пат кон градот запорожје, при што раниле пет цивили, меѓу кои и едно дете.