„Вина апсолутно не чувствувам,“ се првите зборови на Рашковски на почетокот на судењето против него за злоупотреба за службената положба и перење пари кои се однесуваат на набавки поврзани со софтверот за сообраќајни прекршоци и за биометриска идентификација. Софтверот набавен за 80 илјади евра работи и тоа ќе го докажеме му порача Рашковски на судечкиот совет во воведните зборови.
„Семантички го разбирам обвинението, но како правен акт не го разбирам. Вина апсолутно не чувствувам. Ајде да направиме реконструкција да видиме далие софтверот не функционира,“ рече рашковски во воведните зборови
Неговото изјаснување за вина следуваше откако обвинителката Вилма Русковска порача во судот дека во оваа постапка преку докази ќе го увери судот дека обвинетиот Драги Рашковски нерационално и непродуктивно ги трошел народните пари за софтвер, камери, кабини коишто дел не се наоѓаат во просториите на Владата и никој нема објаснување дали било потребно да се набават. Ќе докажеме дека ја злоупотребил положбата за свои лични материјални цели, заклучи Русковска во воедните зборови.
Тој повторно го оспоруваше форензичкото вештачење направено од МВР, најави интересно судење, а побара од судот и проектор или телевизор, за презентирање на доказите. За останатите шест обвинети рече дека не може да ја објасни поврзаноста со нив и не му е јасно зошто тие се на обвинителна клупа иако и тие како него се изјаснија дека не се виновни и не го разбираат обвинението.
Павле Беловски
