Расте бројот на деца со прекумерна тежина во земјава, а поголем пораст е забележан кај девојчињата. Анализите на Центрите за јавно здравје, кои вршат континуирано следење на нутритивниот статус кај предучилишни и училишни деца, покажуваат дека секое трето е дебело.
Доктор Ратко Давидовски вели дека ако во раните 70-ти години околу 15 до 20 проценти имало дебелина кај децата, сега тој процент е удвоен.
Доктор Давидовски вели дека освен нарушената рамнотежа на умерена исхрана и физичка активност, за појава на дебелина влијае и генетиката и стилот на живот.
Во градинките, пак, внимаваат на оброците на децата токму поради важноста на здравата исхрана.
Дебелината е болест и ризик за појава на други заболувања.
Данијела Билбилоска
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.