Пред хотелот во кој како илегален емигрант е сместен најдобриот светски тенисер Новак Ѓоковиќ, собрани се негови симпатизери и поддржувачи, најголем дел Срби од Австралија. Тие играат оро, со свеќи во раце го слават Бадник и добија поздрав од Ѓоковиќ кој преку прозорците ги отпоздрави како што прави после секоја победа на теренот, правејќи срце со дланките- известува австралиската новинарка Кејт Кели.
“What do we want? Novak at the Tennis!” #Djokovic pic.twitter.com/4xFVmeGYqc
— Cait Kelly (@cait__kelly) January 6, 2022
Но, во истиот хотел се сместени и многу други луѓе, чиј проблем не е како оној на Ѓоковиќ, дали ќе биде пуштен во Австралија за да игра на првиот гренд слем во тенис.
Таму се наоѓаат и вистински бегалци кои се наоѓаат во филтрите на австралиските власти за да дознаат дали ќе бидат пуштени во државата.
Еден од нив преку прозорците на овој бегалски хотел покажал 9 прсти кон луѓето надвор што според новинарката Кели значело дека 9 години чека решавање на сопствениот статус на 5-тиот континент.
Пред хотелот кој е и бегалски центар постојано има протести на активисти за човекови права кои бараат пуштање на мигрантите и бегалците од тој простор.
Но, до заточувањето на Ѓоковиќ немаше многу известувања за овие човечки судбини. Дури и еден подржувач на Ѓоковиќ рекол дека иако дошол за тенисерот се почувствувал засрамено поради тоа што е погрешно луѓе да седат и по 9 години затворени во бегалски центар.
Активистите кои бараат ослободување на бегалците пак денеска се собраа во поголем број, а имаа и судир со полицијата откако двајца биле уапсени затоа што се качиле на дел од хотелот за бегалци, извести Кејт Кели на нејзиниот твитер профил.
There was a skirmish between protestors on the ground and police as they tried to stop the cherry picker thing. pic.twitter.com/6yJ7rT0Wqq
— Cait Kelly (@cait__kelly) January 6, 2022