Тедрос Аданом Гебрејесус, шеф на Светската здравствена организација (СЗО), рече дека комбинацијата на варијантите Делта и Омикрон доведе до цунами на опасни случаи на Ковид-19.
Изјавата на Тедрос Аданом Гебрејесус дојде откако беа срушени рекорди во нови случаи во земјите во САД и Европа.
Тедрос објасни дека зад севкупниот обем на случаи стојат „двојните закани“ од две варијанти.
„Ова ќе продолжи да врши огромен притисок врз исцрпените здравствени работници и здравствените системи кои се на работ на колапс“, рече шефот на СЗО.
Франција објави највисока дневна бројка досега во Европа, втор ден по ред, со 208.000 случаи.
Соединетите Американски Држави пријавија во просек 265.427 случаи минатата недела.
Рекордни бројки објавија и Данска, Португалија, Англија и Австралија.
Полска објави 794 смртни случаи поврзани со Ковид-19 во средата, што е најголем број во четвртиот пандемски бран. Повеќе од три четвртини од нив биле невакцинирани.