За 14 часот е закажана новата средба меѓу премиерот Зоран Заев и лидерот на Алтернатива Африм Гаши во Клубот на пратеници. Првичниот договор за влез на Алтернатива во владејачката коалција беше постигнат во понеделникот.
Од Владата велат дека и по оваа средба не се предвидени изјави за медиумите, што би значело дека денеска не се очекува конечен договор. Од Алтернатива вчера го демантираа пишувањето на некои медиуми дека Гаши од Заев барал три министерски и едно вицепремиерско место. Во кусото владино соопштение беше кажано дека начелно бил договорен програмскиот дел од можната идна соработка на Алтернатива во Владата и дека консултациите за кадровските решенија се во тек. Тогаш беше најавено и дека по консултациите во партиите ќе следи и нова работна средба со тимовите.