Заклучно со 19 октомври вкупно се вакцинирани 800.103 граѓани, ревакцинирани се 764.953, а трета доза примиле 1.292 граѓани, соопшти Министерството за здравство денеска со назнака дека над 54% од граѓаните постари од 40 години се ревакцинирани.
Во текот на вчерашниот ден аплицирани се вкупно 2.379 дози вакцини, од кои 700 се аплицирани како прва доза, 1.585 се ревакцинирани, а 94 граѓани примиле трета доза вакцина.
54% од граѓаните над 40 годишна возраст се ревакцинирани, а 33% од популацијата од 18 до 39 години примиле барем една доза вакцина, соопшти министерството.
Опфатот со вакцинација со една доза вакцина, на полнолетната популација е 57%, а со две дози опфатени се 46% од граѓаните над 18 години. Според бројот на аплицирани вакцини, 38% од целата популација во нашата земја е вакцинирана, а 35% од популацијата во државата примила две дози вакцина, пресмета Министерството.
Одруга страна, пред два дена институтот за јавно здравје излезе со друга бројка која е поголемља од оваа денешната на министерството, но најверојатно поради вакцинираните во странство.
Заклучно со 17.10.2021, вакцинирани се вкупно 806.263 лица со барем една доза на
вакцина против COVID-19 во државата и странство. Комплетно вакцинирани (со две
дози) се вкупно 764.949 лица.
Според сајтот ковид19вакцинација.мк, до тогаш се вакцинирани 799,762 граѓани што значи 6.501 помалку од вкупниот број според ИЈЗ, што значи дека толку граѓани се вакцинирале во странство и се пријавиле во надлежните институции.
Бројката на вакцинирани во странство е многу поголема бидејќи само во Врање се вакцинирани со две дози околу 12 илјади македонски државјани, но Министерството за здравство ги смета само оние кои се пријавиле сами за вакцинирани.
Со една доза на вакцина против COVID-19 се вакцинирани 48,4% од населението на 18
годишна возраст, односно 44,7% од население над 12 годишна возраст.
Најголем дел се вакцинирани лица со две дози од возрасната група 25-49 години (n=284.641)., соопшти ИЈЗ.
Бројот на аплицирани вакцини е од последниот неделен извештај на ИЈЗ.
Тип на вакцина Прва Втора Трета Вкупно
Pfizer/Biontech 316.824 292.817 1.196 610.837
Sinovac 247.751 237.261 485.012
Sinopharm 151.034 149.770 300.804
AstraZeneca 67.664 62.478 130.142
Sputnik V 22.990 22.623 45.613
ВКУПНО 806.263 764.949 1.196 1.572.408