Почна скрининг-тестирањето за корона низ учишиштата известува новинарот на Телма Петар Догов.
Први беа средношколците од училиштето Зеф Љуш Марку, а потоа и од средното медицинско училиште. Тестовите ги вршат мобилни екипи на ЦЈЗ Скопје, а учениците излегуваат од час и одат во посебна просторија каде што се задржуваат една минута додека да им биде земен брис, и потоа се враќаат во училница.
Според екипите на ЦЈЗ Скопје, главната придобивка од скринингот најпрво е за учениците да бидат свесни за своето здравје, а потоа и за надлежните соодветно да ги креираат образовните политики.
Од друга страна, скриниг тестирањето почна и во основните училишта, но во повеќе градови и општини во внатрешноста.
Дополнително денес се проверуваат и основците во Кривогаштани, Берово, Вевчани, Дебарца, Демир Капија, Дојран, Зрновци, Конче, Лозово, Могила, Новаци, Пехчево, Старо Нагоричане и Центар Жупа.
Петар Догов