Авион Л-410 се урна денеска во близина на град во рускиот регион Татарстан, при што загинаа 16 лица, а седум се повредени, соопшти руската агенција за управување со вонредни состојби.
Претходно, руските медиуми јавија дека во авионската несреќа загинале 19 лица, а тројца се повредени, и дека во авионот имало вкупно 23 лица.
Во авионот имало група падобранци, објави Агенцијата за управување со вонредни состојби. Седум лица се извлечени живи. Авионот е Лет Л-410 Турболет, двомоторен транспортен авион за кратки дестинации. Тој е дизајниран да превезува до 19 патници на растојание до 1.500 километри. Се испитува можно преоптоварување како фактор што придонел во инцидентот во Татарстан. Ова е трета фатална несреќа со Л-410 од јуни оваа година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.