Австрискиот канцелар Себастијан Курц поднесе оставка на фукцијата. На негово место, како штo наведуваат медиумите, ќе дојде министерот за надворешни работи Александар Шаленберг.
Во обраќањето до нацијата Курц рече дека секогаш се обидувал да даде свој придонес за Австрија, а додаде дека во изминатата година и пол многу се барало од него. Исто така, рече дека државата му е поважна од него самиот.
Тој го предложи Шаленберг за нов сојузен канцелар. Курц засега ќе остане претседател на партијата и претседател на клубот.Заднината на кризата во Австрија е истрагата што ја започна државното обвинителство за економски криминал против Курц и неколку други истакнати членови на ÖVP. Тие се обвинети за проневера на даночни пари во 2017 година, кои ги користеле за медиумски кампањи во корист на партијата. Австрискиот канцелар ги отфрли обвинувањата.
Курц, исто така, е под истрага за наводно лажно сведочење пред парламентарната комисија за расветлување на таканаречениот скандал „Ибица“, во чиј ек тогашната популистичко-либерална влада, составена од популисти и екстремно десничари, падна пролетта 2019 година. И за тој случај, Курц се изјасни за невин.
