Уште три дена „Здрава котлина“ ќе се изјасни дали ќе ги поднесат независните листи на советници и градоначалник во струмичко. Активистите против отворање на рудникот Иловица уште пред неколку седмици најавија дека ќе поднесат независни советнички листи во општините Струмица, Ново Село и Босилово, како и независен кандидат за градоначалник на Ново Село доколку дотогаш не се најде решение за рудникот Иловица.
Граѓанските активисти се разочарани што политичките партии во своите програми малку внимание посветуваат на екологијата и проблемите што се однесуваат на загадувањето на животната средина. Едно се ветува а сосема е друго тоа за што се залагаат и реализираат за време на владеењето.
„Здрава котлина“ велат дека последните неколку изборни циклуси партиите добиваат поддршка и гласови со ветувањата за затворање на прашањата за рудниците во југоистокот, но, во суштина ништо од тоа не е реализирано.
Сузана Мицева
