Околу датумот за локалните избори своја изјава даде и актуелниот градоначалник на Град Скопје, Шилегов, кој истакна дека партиите имаат обврска да се договорат околу тоа прашање. Ова доаѓа по вчерашната изјава на премиерот Заев и неговиот предлог – локалните избори да се одржат на 31 октомври за што тој најави дека ќе побара согласност од партиите, а со цел да се избегне поклопување на датумот за избори со спроведувањето на пописот.
„Работа е на политичките партии да ги договорат термините за локалните избори и како и да е се ближат локалните избори. Што се однесува до скопјани, јас знам дека им е сосема сеедно дали изборите ќе бидат порано или на 31 октомври затоа што знам дека ќе го изберат континуитетот во дејствувањето и во функционирањето на градот“ изјави Петре Шилегов, актуелен градоначалник на Град Скопје.